NJË UDHËTIM NË HISTORINË E 50 VITEVE TË DIKTATURËS KOMUNISTE NËPËRMJET ARKITEKTURËS.

Veprat e arkitekturës bëjnë të mundur kuptimin konkret të një epoke dhe fenomeneve shoqërore të komplikuara. Ato janë monumente të vërteta që dëshmojnë për historinë, mentalitetin, kulturën dhe stilin e jetesës të një shoqërie në një kohë të caktuar.

Nuk ka nevojë të lexojmë gjithçka mbi “Historinë e P.P.SH”-së as veprat e Enver Hoxhës, as dokumentet e marrëdhënieve me Bashkimin Sovjetik apo me Republikën Popullore të Kinës. Mjafton të ndalemi dhe të njohim këto objekte arkitekturore për t’i kuptuar të gjitha.